Bilgin Sait është një doktor shqiptar me origjinë nga Gjilani që po shërben në njërin prej spitaleve të vijës së zjarrit kundër koronavirusit në Stamboll.
Në një intervistë për “Abc-ja e mëngjësit” të Enkel Demit në Abc News, ai foli për ato që quhen “ditët e qetësisë së “rreme” të pacientëve me koronavirus duke shpjeguar se ky është pikërisht momenti kur përcaktohet e ardhmja shëndetësore e të sëmurëve.
Ndërkohë, ai u pyet edhe mbi muajin e Madhërishëm të Ramazanit, i cili fillon të premten duke theksuar se të rrezikuar janë ata që kanë probleme me diabetin dhe zemrën, kurse pjesa tjetër duhet të vlerësohet rast pas rasti.
Enkel Demi: A duhet besimtarët myslimanë të mbajnë ramazan në këtë situatë të COVID-19?
Bilgin Sait: Kjo është shumë e vështirë për përgjigje. Ky nuk është vetëm problem shkencor. Ata që kanë sëmundje kardiovaskulare, diabet apo sëmundje kronike dhe kryesisht mosha mbi 50 vjeç janë të rrezikuar. Por është një grup i vogël që mund të diskutohet dhe kjo duhet të jetë edhe një përgjegjësi individuale.
Enkel Demi: Ju vetë do të mbani Ramazan?
Bilgin Sait: Unë po, ishalla mund të mbaj. /abcnews.al
