Statuja ikonë e Jezu Krishtit në Rio de Zhaniero u vesh me uniformën e doktorit për rastin e Pashkëve, ndërsa mesazhe falënderimi për mjekët që po luftojnë në spitalet e botës për të ndaluar coronavirusin u projektuan në gjuhë të ndryshme.
Edhe flamuri i Shqipërisë, me frazën “shpresë” u bë pjesë e mesazheve shpresëdhënëse të projektuara tek statuja 38 metra e lartë në Brazil.
Imazhe doktorësh që nxisnin njerëzit të qëndronin në shtëpi ishin gjithashtu pjesë e fushatës.
Më shumë se 1.7 milionë njerëz raportohet të jenë infektuar në shkallë globale nga coronavirusi, ndërsa të paktën 109,519 persona kanë humbur jetën.
Në 24 orët e fundit, Shqipëria raportoi 21 raste të reja me COVID-19, ndërsa numri i të infektuarve në total shkoi në 467.
