Presidenti rus Vladimir Putin ka folur në lidhje me situatën e krijuar prej Covid-19, ndërsa theksoi se dy-tre javët e ardhshme do të jenë vendimtare përcaktuese për rrjedhën e pandemisë.
“Ne studiojmë me kujdes përvojën e të gjitha vendeve që gjithashtu u përballën me kërcënimin e koronavirusit, dhe kjo përvojë thotë se katër deri në pesë javë të para në epidemi janë më të vështirat”, ka thënë Putin gjatë një mledhjeje online me kabinetin e tij, ndërsa është folur pikërisht për përballimin e situatës.
Më tej Putin ka theksuar se kjo është periudha kur kërkohet përqendrim maksimal i të gjitha burimeve si dhe respektim i rreptë i rekomandimeve mjekësore dhe masave parandaluese që janë prezantuar në çdo rajon.
“Kjo do të thotë që dy-tre javët e ardhshme do të jenë përcaktuese. Kjo është periudha kur kërkohet përqendrim maksimal i të gjitha burimeve nga ne, si dhe respektim i rreptë i rekomandimeve mjekësore dhe masave parandaluese që janë prezantuar në çdo rajon sot”, shtoi Putin.
Në Rusi janë raportuar 8,672 raste dhe më shumë se 63 vdekje deri më tani nga Covid-19