Aktualisht, Italia është shteti më i rrezikuar nga Koronavirusi.
Numri i të vdekurve ka shkuar në 1809 dhe nga dita në ditë numri rritet ndjeshëm.
Kjo situatë sa vjen edhe bëhet më e vështirë dhe ata që kanë barrën më të madhe janë mjekët.
Ata përballen të parët me rastet dhe kanë një kohë të gjatë që punojnë pa pushim.
Gjendja është e vështirë edhe për ta dhe një mjeke italiane në një intervistë të dhënë së fundmi thotë se kanë nevojë urgjente për psikologë.
“Mjekët kanë nevojë për ndihmë psikologjike, jemi në një kolaps. E puth djalin vetëm në ëndërr.Një koleg i imi si ka parë fëmijët prej kohësh. Shkoj në shtëpi dhe rri vetëm. Nuk takoj asnjë njeri. Qëndroj larg bashkëshortit dhe ha bukë vetëm. Ndonjëherë qaj fshehurazi, për veten, familjen, pacientët” shprehet ajo.
