Fotoja e Erin, vetëm 6 muajshe e lidhur me aparatin e oksigjenit dhe me tuba në të gjithë trupin preku botën.
Ndërsa tani vjen lajmi i mirë. Mjekët e spitalit të fëmijëve në Liverpul njoftuan familjen se e vogla ka arritur të mundë koronavirusin.
Prindërit shpërndanë foton e të voglës me qëllim sensibilizimin e të gjithëve për distancimin social dhe higjienën.
Foshnja kishte problem dhe me zemrën. Pas 14 ditëve terapi mjekët thonë se ia ka dalë të përmirësohet shumë.
Erin ka ende nevojë për makinën e oksigjenit per shkak të problemeve shëndetësore dhe pritet që të dalë nga spitali përpara ditëlindjes së saj në tetor.
