Pavarësisht situatës së Covid19, besimtarët ortodoks kanë vijuar me ritualet e tyre fetare në vigjilie të pashkëve ortodokse. Kështu në rradhë për një dhe të pajisur me masa mbrojtëse besimtarët ortodoks kanë mbushur oborrin e Katedrales Ortodokse në Tiranë ku janë vendosur dy stenda e ku tregtohen ingredientët për përgatitjen e vezëve simbolike të kësaj feste.
Ashtu siç shihet dhe nga pamjet kjo është një atmosferë e ngrohtë që vjen nga katedralja ortodokse dhe një mesazh i qartë se pavarsisht situatës që po përballet vendi ynë dhe e gjithë bota me Covi19 besimi i njerzve tek feja dhe zoti nuk është shuar. Për ReporTv një prej besimtareve shprehet se edhe pse në jemi në një situatë të vështirë ritualet fetare vijojnë normalisht.
“E vështirë është çfarë ti bësh por do ti bëjmë të tëra”.
Pavarësisht kësaj ju nuk i keni ndalur ritualet tuaja, çfarë ingredientësh morët për përgatijen e vezëve?
Jo nuk i kemi ndalur. Morëm disa zbukurime dhe vezët, të kufizuara si në çdo gjë.” – u shpreh një besimtare.
Për të krishterët ortodoksë një nga traditat më të vjetra të Pashkëve janë vezët e lyera në ngjyrë të kuqe. Vezët simbolizojnë varrin bosh të Jezusit, i cili u ngrit pas kryqëzimit të tij dhe janë përdorur si mjet universal i prezantimit për besimtarët e krishterë, ndërsa edhe parathonë përvojën e përjetshme të jetës, e cila pret besimtarët e vërtetë pas vdekjes.
