Në Tiranë për të marrë shërbimet, në javën e dytë të ndalim qarkullimit, ka nisur mbajtja e radhëve në distancë si masë për parandalimin e koronavirusit. Por në trotuare dhe në tregje pak kush kujdeset ti shmanget turmave. Për shkak të infrastrukturës apo nxitimit të produkteve, shumë kush tregohet i shkujdesur duke rritur mundësinë e përhapjes së virusit.
Rritja e numrit të infektuarve me koronavirus, dhe 5 viktimat e shkaktuara prej tij kanë sjellë reagimin për ruajtjen e masave për parandalimin e koronavirusit.
Në marrjen e shërbimeve rradha është ruajtur korrekte.
Në supermarkete, farmaci apo në pikat e pagesave, qytetarët qëndrojnë të paktën 1 metër larg njëri- tjetrit, edhe kur policia nuk është e pranishme.
Por kjo sjellje parandaluese e përhapjes së koronavirusit, harrohet nga qytetarët, kur ecin lirshëm në rrugë.
Siç tregojnë dhe këto pamje, në trotuar, krijohen grumbullime njerëzish, të cilët ecin pranë njëri- tjetrit.
Në tregje. Pavarësisht tabelave paralajmëruese, distanca nuk ruhet, edhe për shkak të infrastrukturës.
Ekspertët sugjerojnë që për të parandaluar infektimin e njëri-tjetrit, në ambiente të hapura, individët duhet të qëndrojnë të paktën një metër larg, por kjo sjellje, është thuajse inekzistente në Tiranë.
