Në Pukë numri i të moshuarve që jetojnë në vetmi dhe pa përkujdesje është i Lartë ai pasoje e emigracionit. Në këto kushte bashkia e Pukës prej ditesh ka nisur shpërndarjen e pakove me ushqime, miell e detergjent.
Mjetet dhe punonjesit e bashkisë po shkojnë deri ne zonat e thella të zonës malore me qëllim që të moshuarit mos të përballen me mungesen e ushqimeve dhe medikamenteve. Për çdo të moshuar është caktuar dhe një person kujdestar i cili deri pas përfundimit të vetizolimit për shkak të COVID-19 do të kujdeset për të moshuarit që ka në patronazh.
Behet e ditur se deri tani jane ndihmuar 100 të moshuar, por duket se shqetësim mbetet trajtimi me ndihmë i familjeve në varfëri, të cilat nuk janë pak në këtë zonë. Bashkia e Pukës bëri te ditur se për këtë kategori është kërkuar mbeshtetje nga Rezervat e Shtetit, dhe me të mbërritur paketat ushqimore do te nis shpërndarja edhe për familjet e varfra të kësaj zonë.
