Me identifikimin e të prekurve të parë me koronavirus në Shqipëri,qeveria vuri në fuqi planin e veprimit,hartuar sipas orientimeve dhe protokollit të përgjithshëm të OBSH-së që konsiston në 3 pika. Kufizimi, me qëllim parandalimin e përhapjes; Vonimi, shtyrja në kohë e përhapjes së infeksionit dhe lehtësimi i pasojave që mund të sjellë infektimi me COVID-19.
Në mbledhjen e parë të qeverisë pas 2 të prekurve me koronavirus, babë e birë, kryeministri Edi Rama lajmëroi pezullimin deri më 3 prill të fluturimeve dhe lundrimeve drejt veriut të Italisë, zonës së kuqe prekur nga infeksioni, pezullimin e të gjitha shkollave me 2 javë si dhe shtroi kërkesën për anulimin e të gjitha grumbullimeve masive kulturore, sportive, aktivitete, dëgjesa publike, koncerte, e dëgjesa publike.
Ndalohen fluturimet e Italisë drejt këtyre aeroporteve
– Aeroporti Milano Malpensa (MXP)
– Aeroporti Milano Bergamo (BGY)
– Aeroporti Bologna (BLQ)
– Aeroporti Firenze (FLR)
– Aeroporti Genoa (GOA)
– Aeroporti Perugia (PEG)
– Aeroporti Pisa (PSA)
– Aeroporti Rimini (RMI)
– Aeroporti Venezia (VCE)
– Aeroporti Verona (VRN)
Autoriteti Aviacionit Civil ka lëshuar menjëherë udhëzimin drejtuar Aeroportit Ndërkombëtar “Nënë Tereza” dhe ofruesit të shërbimit të lundrimit ajror “Albcontrol” për nxjerrjen e njoftimeve të nevojshme për zbatimin e këtij kufizim
Sot janë dy ndeshjet e fundit të javës së 26 që luhen në Shkodër mes Vllaznisë dhe Partizanit dhe në Korçë mes Skënderbeut dhe Kukësit.
Në burgje pritet të pezullohen takimet me të dënuarit
