5,892 raste aktive me koronavirus janë aktualisht në Kosovë. Instituti Kombëtar i Shëndetit Publik bën të ditur se numri total i rasteve pozitive është 58.399 raste nga 221.663 persona të dyshimtë në virusin SARS-CoV-2 dhe 1.466 raste të vdekjes.
IKSHPK njofton se numri i përgjithshëm i të shëruarve deri më sot është gjithsej 51.081 raste, ndërsa numri i rasteve aktive është 5.852. Mjeku Sali Ahmeti një ditë më parë ka folur për mundësinë e ri-infektimit me koronavirus. Ai ka thënë se momentalisht në Klinikën Infektive është një pacient që po mendohet se është ri infektuar me koronavirus.
“Në praktikën tonë kemi pasur disa raste që kanë manifestuar shenja klinike për herën e dytë dhe që të njëjtin kanë rezultuar pozitiv për herë të dytë në testin PCR. Gjithmonë te sëmundjet infektive raste përjashtuese ekzistojnë. Edhe te COVID-19, për arsye të ndryshme mund të ekzistojnë rastet e infektimit”, tha ai.
