Në Korenë e Jugut së paku 74 persona sërish janë infektuar me koronavirusin e ri (COVID-19) pasi janë shëruar.
Qendra koreane për kontroll dhe parandalim të sëmundjeve (KCDC) njoftoi se të infekuarit u janë nënshtruar testeve të ndryshme për të përcaktuar gjendjen e transmetimit të infeksionit tek të tjerët dhe prodhimin e antitrupave kundër COVID-19.
Sipas mediave lokale, autoritetet shëndetësore janë të shqetësuar për shkak të rritjes së numrit të personave të sëmurë përsëri nga koronavirusi.
Numri i të infektuarve në Korenë e Jugut është rritur në 10.423, ndërsa nga COVID-19 kanë vdekur 204 persona.
