Ka shkuar në 6 numri i viktimave nga Covid-19 në Greqi. Pacienti që ndërroi jetë ishte një 70-vjeçar dhe ishte shtruar në spitalin Kastoria.
Raportet tregojnë se edhe gruaja e të ndjerit po trajtohet në këtë spital. Kjo është vdekja e tretë e një pacienti nga koronavirusi në zonën e Kastoria.
Sipas oladeka.com, 70-vjeçari kishte probleme serioze shëndetësore.
Ndërkohë ditën e djeshme janë konfirmuar 31 raste të reja dhe numri i përgjithshëm i pacientëve me koronavirus ka shkuar në 418.
