Greqia ditën e sotme ka shënuar një rritje të rasteve me Covid-19 krahasuar me ditët e kaluara.
Sipas të dhënave të publikuara, gjatë 24 orëve e fundit janë regjistruar 177 raste të reja, duke e çuar në 9,977 numrin total të të prekurve që nga fillimi i pandemisë.
Mësohet se ditën e sotme ka humbur jetën edhe një viktimë dhe numri në total i të vdekurve ka shkuar në 260 njerëz. Po ashtu sipas autoriteteve 8 pacientë janë të intubuar.
Që prej fillimit të pandemisë deri më tani në vendin fqinj kanë fituar betejën me sëmundjen vdekjeprurëse 3,804 persona, ndërsa aktualisht në gjendje të rëndë për jetën janë 6 të tjerë.
