Bhasha Mukherjee ka qenë një doktoreshë e re e specializuar në mjekësinë e frymëmarrjes përpara se të garonte në Miss World duke përfaqësuar Anglinë në Dhjetor 2019.
Pasi fitoi kurorën, 24-vjeçarja planifikoi të vinte në pritje karrierën e saj mjekësore, në mënyrë që të mund të udhëtonte në botë për përpjekje të ndryshme humanitare.
Sidoqoftë, pas katër javësh qëndrim në vendin e saj në Indi, ku dhuroi shkrime në shkolla dhe i dha para një shtëpie për vajzat e braktisura, shpërthyen lajmet se situata e koronavirusit po keqësohej në Britaninë e Madhe.
Pasi Mukherjee filloi të marrë mesazhe nga ish-kolegët e tij në Spitalin Pilgrim në Boston, Lincolnshire, në lidhje me pandeminë, ajo tha se ndjeu nevojën për t’u rikthyer në punë.
“Doja të kthehesha në shtëpi. Doja të vija dhe të shkoj direkt në punë. Ishte e jashtëzakonshme sesi e gjithë bota po falenderonte të gjithë punëtorët e mjekësisë, dhe unë doja të isha një nga ata dhe e dija se mund të ndihmoja”, u shpreh ajo për CNN.
Të Mërkurën, 6 Prill, Mukherjee u kthye në Angli, por prapë duhet të izolohet për dy javë para se të fillojë punën si mjeke.
“Nuk ka më mirë se të jesh Miss Anglia dhe në të njëjtën kohë të ndihmoj Anglinë në një moment nevoje”, shprehet Mukherjee e specializuar në mjekësinë e frymëmarrjes.
