Eksperti kryesor amerikan për sëmundjet infektive dhe kryevirologu i Shtëpisë së Bardhë, Anthony Fauci, parashikon se SHBA-ja do ta përmbushë objektivin për të pasur një vaksinë për koronavirusin para fundit të këtij viti.
Ai tha në një intervistë për agjencinë e lajmeve Reuter se nuk ka ende garanci të madhe që kjo do të ndodhë, por se ndihet optimist për afatet e përcaktuara.
Shumë ekspertë e shohin prodhimin e një vaksine të sigurt dhe të efektshme si të vetmen rrugëdalje nga pandemia që ka infektuar miliona dhe ka shkaktuar vdekjen e më shumë se 575,000 njerëzve në të gjithë botën.
Dr Fauci tha se edhe nëse një vaksinë arrin të provokojë një përgjigje imune nga trupi i njeriut, ende nuk është e qartë se për sa kohë mund të zgjasë kjo mbrojtje.
Ai tha se “këto janë pyetje që nuk kanë përgjigje tani për tani, sepse që nga shpërthimi i virusit kanë kaluar vetëm gjashtë muaj.”
Sipas tij, mund të duhet të kalojë një vit para se t’i jepet përgjigje pyetjes së kohëzgjetjes së imunitetit të derivuar nga vaksina Covid.
