Dy raste të reja janë konfirmuar pozitiv me COVID-19 në qytetin e Elbasanit. Rastet e reja janë të veçuara dhe janë vatra të reja, pasi sipas burimeve nuk janë raste kontakti me të infektuarit e mëparshëm.
Burimet për Report Tv konfirmojnë se një 84-vjeçare nga fshati Mengel dhe një 50-vjeçar janë konfirmuar pozitiv mbrëmjen e djeshme pas bërjes së tamponit.
50-vjeçari punonte shofer në një kompani ndërtimi.
Ndërsa 84-vjeçarja në orët e vona të mbrëmjes së djeshme është transportuar drejt spitalit Infektiv, pasi vuan nga sëmundje shoqëruese dhe gjendja e saj paraqitet e rënduar.
