Një drejtues mjeti në Elbasan është arrestuar nga policia pasi është kapur duke lëvizur në gjendje të dehur. Jo vetëm kaq, por 45-vjeçari me inicialet E. K lëvizte edhe në kundërshtim me aktin normativ për koronavirusin, duke shtuar në këtë mënyrë masën e penalitetit që mund të marrë.
45-vjeçari u kap në gjendje të dehur në masën 0.98 mg/l në aksin Elbasan-Librazhd nga shërbimet e policisë rrugore. Materialet hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.
