Austria njoftoi se do të kthejë të gjithë personat që vinë nga Italia nëqoftëse nuk kanë një raport mjekësor që nuk janë të prekur nga koronavirusi.
Kancelari Sebastian Kurz u shpreh se gjithashtu të gjithë shtetasit austriakë që kthehen nga Italia do të vendosen në karantinë për dy javë.
Deri më tani në vend janë regjistruar 158 të infektuar.
Austria dhe Italia janë në kufi në rajonin Tyrol ku ditën e sotme janë nënshtruar kontrolle të rrepta.
Kryeministri italian Conte e shpalli vendin zonë të kuqe pas rritjes së numrit të viktimave.
Është rënduar bilanci i të vdekurve në Itali ku ka shkuar në 631. Ndërsa numri i të infektuarve është 10149.
