Artistët me moton “Lezha Këndon, bashkë do ja dalim” kanë dhuruar moment të veçanta për banorët të cilët prej më shumë se një muaji zbatojnë rregullat e ndalim qarkullimit.
Muzika dhe këngët janë shijuar prej banesave, por nuk munguan as rastet për të thyer për pak momente karantinën.
Koncerti i veçantë ka emocionuar dhe vetë artistet të cilët thonë se nuk e kishin përjetuar asnjëherë një situatë të tillë.
“Këta i shohin në ballkone dhe kam frikë se mos po rrëzohet ndonjëri. Kështu erdhën kushtet.”
“T’i mbyllim derën koronavirusi dhe të hapim zemrën.”
Momentet e argëtimit kanë bërë që për pak kohë të harrohet dhe karantina.
“Kur sheh këta njerëz që janë pak të dëshpëruar, por morali është lart.”
“Më mirë nuk bën.”
“Të bëhet më shpesh.”
Argëtimi përmes muzikës është mënyra më e mire për t’u qëndruar pranë qytetareve në këtë kohë izolimi thotë Drejtori i Kulturës dhe Turizmit në Bashkinë Lezhë Renaldo Xhanaj.
“Të gjithë e dimë që kjo luftë nuk ka mënyrë më të mirë se sa qëndrimi në shtëpi.”
Në Lezhë numri i të prekurve ka shkuar në 14, por prej pak ditësh nuk janë shënuar raste të reja.
