Apple dhe Google janë bërë bashkë duke zhvilluar teknologji që duhet të paralajmërojë një person që së fundmi të vihet në kontakt me dikë që më vonë gjendet se është i infektuar, raporton BBC.
Metoda e tyre do të funksionojë për të përdorur sinjalin Bluetooth në telefonat inteligjentë për të treguar me kë poseduesi ka qenë në kontakt kohët e fundit, aq gjatë dhe aq afër sa që përfundimisht mund të infektohet.
Nëse ndonjë prej personave me të cilët ai ka kontaktuar do të zbulohet më vonë se është pozitiv, një paralajmërim do t’i dërgohet poseduesit të telefonit.
Të dhënat e vendndodhjes GPS ose informacionet personale nuk do të regjistrohen, thonë kompanitë.
“Privatësia, transparenca dhe pëlqimi janë me një rëndësi parësore në këtë projekt dhe ne mezi presim ta ndërtojmë atë në konsultim me palët e interesuara,” thonë Apple dhe Google në një deklaratë të përbashkët.
“Ne do të publikojmë hapur informacione rreth punës sonë, në mënyrë që të tjerët ta analizojnë atë.” (tesheshi)
