Sipas parashikimeve të qeverisë shqiptare, vendit tonë do t’i duhen të paktën 9 muaj kohë për t’u kthyer ekonomikisht në situatën ku ishim përpara nisjes së epidemisë së koronavirusit.
Koordinatori për Emergjencën Arben Ahmetaj, tha në një intervistë në “Opinion” se: “Paketa e dytë do ta lejojë Shqipërinë të kthehet brenda 9 muajsh në ritmin ku e la korona”, u shpreh Ahmetaj duke shtuar se kjo periudhë mund të shkojë në fakt 9-12 muaj.
Ai tha gjithashtu se parashikohet që në javën e dytë të Majit, të kemi zhvillime aktivitetesh pranë normales.
“Mendoj se në javën e dytë të Majit do të kemi lëvizje afër normales, por me masa ekstreme të ruajtjes së distancave dhe mbrojtjes”, u shpreh Ahmetaj.
