Kurba e të prekurve me koronavirus është ulur, pasi gjatë 24 orëve janë regjistruar 15 raste të reja, 8 më pak se dje, duke shkuar në total 1136 numri i të prekurve.
Kurse të shëruar gjatë 24 orëve janë 15 qytetarë, duke e çuar në total 872 numrin e të shëruarve. Shpërndarja e rasteve të reja pozitive është 11 raste në Tiranë, 3 në Krujë, dhe 1 rast në Kamëz.
Në 24 orët e fundit janë testuar 35 persona të stafit shëndetësor dhe kanë rezultuar pozitive 2 raste. Nga totali i të prekurve gjatë 24 orëve të fundit 11 janë kontakte të rasteve të mëparshme të konfirmuara pozitive, ndërsa për 4 raste po vazhdon hetimi epidemiologjik.
Aktualisht janë 232 persona janë aktivë me COVID-19, kryesisht ne Tiranë, Durrës dhe Krujë. Gjatë 24 orëve të fundit janë testuar 225 qytetarë si të dyshuar të prekur me Covid19. Fatmirësisht është rritur numri i të shtruarve në spitalin infektiv dhe aktualisht po trajtohen 31 të prekur, nga të cilët 4 janë në terapi intensive, njëri prej të cilëve është i intubuar. Nga fillimi i epidemisë e deri më tani janë kryer mbi 16 mijë testime molekulare dhe serologjike.
Ne lidhje me 82-vjeçaren që ndërroi jetë mbrëmjen e djeshme në spitalin universitar “Shefqet Ndroqi”, ajo jetoi vetëm disa orë me gjithë ndihmën e dhënë nga stafi shëndetësor.
E moshuara vuante nga Fibroza pulmonare, stadi i fundit, insuficienca kardiake, fibrilacion atrial, diabet mellitus dhe HTA dhe ka rezultuar pozitive me COVID-19 pas vdekjes. po analizohet nga stafi mjekësor i spitalit ”Shefqet Ndroqi” nëse shkaku i vdekjes, ka qenë koronavirusi apo jo.
Ministria e Shëndetësisë dhe Mbrojtjes Sociale apelon të gjithë qytetarët që të tregohen të kujdesshëm, të ruajnë distancimin fizik, higjienën personale dhe të lajnë duart sa më shpesh. Duhet të evitohen ambientet e mbyllura dhe grumbullimet me shumë njerëz.
Gjithashtu nuk duhet të neglizhohen shenjat e sëmundjes dhe për çdo shqetësim duhet të telefonojnë në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.
COVID-19 – Statistika (31 Maj 2020)
Testime totale 16175
Testime molekulare 14723
Testime serologjike 1452
Raste pozitive 1136
Raste të shëruara 872
Raste Aktive 232
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 148
Durrës 27
Krujë 17
Shkodër 10
Kamëz 10
Mat 8
Lushnje 6
Berat 2
Fier 2
Korçë 1
Librazhd 1
