Ministri i jashtëm i Koresë së Veriut i ka quajtur veprimet e SHBA “alarmante” pasi tensionet mbi programin bërthamor të Veriut përsëri u ndezën.
Ri Yong-ho ishte duke iu përgjigjur komenteve nga Sekretari Amerikan i Shtetit, Mike Pompeo, duke u bërë thirrje vendeve të tjera që të vazhdojnë mbajnë sanksione mbi Phenianin.
Një samit i rëndësishëm midis SHBA dhe Koresë së Veriut në qershor e pa veriun të binte dakord të punojë për denuklearizimin e gadishullit.
Por detajet mbeten të paqarta dhe OKB thotë se programi i tij bërthamor vazhdon.
Në një forum rajonal në Singapor, Pompeo tha se ishte e rëndësishme për të mbajtur “presion diplomatik dhe ekonomik” në Korenë e Veriut për të arritur “denuklearizimin përfundimtar, plotësisht të verifikuar”.
Pyongyang është aktualisht nën një sërë sanksionesh ndërkombëtare dhe amerikane mbi programin e saj bërthamor dhe testet e raketave.
Pompeo tha se ai priste që të gjitha kombet t’i bindeshin sanksioneve, duke veçuar Rusinë mes raporteve që i kishin shkelur potencialisht duke lejuar mijëra punëtorë të Koresë së Veriut në vend, megjithëse Rusia e ka mohuar një gjë të tillë.
Në përgjigje, shefi i diplomacisë së vendit komunist tha se Koreja e Veriut “qëndron e vendosur” në angazhimin e bërë në samitin e qershorit midis Presidentit të SHBA Donald Trump dhe udhëheqësit të Koresë së Veriut Kim Jong-un.
Ai shtoi: “Ajo që është alarmante megjithatë është lëvizja këmbëngulëse e manifestuar brenda SHBA-ve për t’u kthyer në kohën e më parshme, larg nga qëllimi i liderit të saj”.
Ri dhe Pompeo u takuan vetëm shkurtimisht, duke shkëmbyer buzëqeshje, shtrëngime dore dhe disa fjalë të shkurtra.
Gjithashtu në takimin e së shtunës, delegacioni amerikan dha një letër nga Trump për Kim, por është e paqartë se çfarë përmbante ajo letër.
