Vetëm 20 ditë pasi solli fëmijën në jetë, ndërron jetë 20 vjeçarja nga Korça Grejsi Prifti. Familjarët akuzojnë stafin mjekësor për mos-shërbim të afërmes së tyre. Nga raportimet paraprake familjarët shprehen se e reja ka shkuar në spital me tension të lartë.
20-vjeçarja kishte pasur një shtatzëni me probleme, ndërsa gjatë gjithë kohës vuante nga tensioni i lartë. Për këtë arsye një muaj më parë ajo u shtrua në maternitetin “Koço Gliozheni” në kryeqytet, ndërsa 20 ditë më parë solli në jetë fëmijën e saj të parë përmes një ndërhyrje kirurgjikale.
Por edhe pas lindjes, duket se ka pasur vazhdimisht probleme me tensionin. Edhe sot, siç konfirmojnë familjarët ajo është ndjerë keq dhe ka shkuar në spitalin e Korçës, ku ka ndërruar jetë menjëherë.
Familjarët jashtë kamerës pretendojnë se shkak i vdekjes ka qenë mjekimi i pakujdesshëm . Ndërkohë që trupi i së resë është dërguar pranë morgut të spitalit në pritje të ekspertizës mjeko-ligjore, që mund të zbardhë edhe shkaqet e vdekjes së saj.
Pritet ekspertiza nga Tirana për të përcaktuar shkaqet e vdekjes.
/AlpenNews.al/
vijon
