Një automjet është djegur duke u zbardhur e enjtja në Korçë. Ngjarja ka ndodhur në lagjen nr.4 të qytetit, në orët e para të mëngjesit.
Mjeti tip furgon ka qenë i parkuar para banesës së pronarit, Leontiv Prethi. Ky i fundit u shpreh se mjeti përdorej nga dhëndri i tij. Nga të dhënat paraprake dyshohet se zjarri mund të ketë qenë i qëllimshëm.“Furgonin e nget dhëndri im. Me atë mban familjen. Është hera e dytë që ndodh, pasi para një muaji ma vodhën tani ma dogjën. Dyshoj që ka qenë zjarr i qëllimshme. Ekspertet na thane qe mund t’i jete hedhur nafte për ta djegur. Nuk e dimë pse, presim që policia ta zbardhe ngjarjen”, pohoi Leontiv Prethi. Ndërkohë, policia po vijon hetimet për zbardhjen e plotë të ngjarjes.
