Këtë 7 mars, në Korçë është çelur ekspozita “Korça, Zemra e Shqiptarisë”, me dokumente dhe fotografi mbi Mësonjëtoren e Parë Shqipe gjatë Rilindjes Kombëtare.
Mes materialeve që dëshmojnë përpjekjet për arsimin shqiptar, kjo ekspozitë ka sjellë dokumente që shfaqen për herë të parë. Në qytetin që ka lidhje të ngushtë me 7 marsin kjo ekspozitë tregon një sakrificë të gjithë kombit dhe të gjitha trevave që kulmoi me ngritjen e Mësonjëtores së Parë Shqipe në Korçë.
Drejtori i Përgjithshëm i Arkivave Ardit Biro tha se veç dokumenteve për Mësonjëtoren, në Drejtorinë e Përgjithshme të Arkivave ka edhe materiale të tjera që tregojnë përpjekjet mësimit shqip nga atdhetarë të tjerë
Kjo ekspozitë erdhi në ditën e 7 marsit si një falenderim dhe mirënjohje për mësuesin që nuk kursen kohën, pasionin, jetën, për të brumosur vogëlushët me dije e kulturë.
