Pas kërkesës që Prokuroria i dërgoi Gjykatës së Krimeve të Rënda për burgosjen e Arbër Çekaj, ka ardhur sot edhe pranimi zyrtar i saj për dënimin “arrest me burg në mungesë”.
Sipas informacioneve, Gjykata i ka dërguar fletën zyrtare Policisë së Shtetit, ku Çekaj shpallet si person në kërkim ndërkombëtar.
Biznesmeni Arbër Çekaj është në kërkim nga policia si porositësi kryesor i 613 kg kokainë, që u kapën në Portin e Durrësit.
Ai është larguar nga Shqipëria tre ditë para sekuestrimit të ngarkesës me kokainë dhe tashmë ai zyrtarisht shpallet në kërkim ndëkormbëtar.
Çekaj udhëtoi në gjermani para sekuestrimit të kokainës ndërkohë po nga ky shtet ai ka folur për mediat duke mohuar se kishte dijeni për fshehjen e drogës. Ai tha se kishte porositur vetëm bananet.
Pas sekuestrimit të konteinerit me 613 kg drogë të ardhur nga Kolimbia në pranga ranë shoferi i kamionit Armando Pezaku dhe menaxheri i kësaj kompanisë, Donaldo Lushaj.
Konteineri mbërriti në port më 19 shkurt ndërsa operacioni antidrogë u ndërmor mbrëmjen e 27 shkurtit.
