Vushtrria do të përfitojë financiarisht nga transferimi i Milot Rashicës nga Vitesse në Ëerder Bremen.
Klubi gjerman para pak javësh e bleu kartonin e kosovarit nga klubi holandez për 7.5 milionë euro.
Dhe, një përqindje do t’i takojë edhe klubit kosovar, nga i cili Rashica pati shkuar në Vitesse.
Këtë e ka konfirmuar për “Zërin”, Shukri Asllani, ish futbollisti vushtrrias, i autorizuar nga Vushtrria për t’u marrë me këtë çështje.
Rashica në debutimine tij te Werder
Asllani ka konfirmuar se Vushtrria do ta marrë një përqindje nga ky transferim, pa e zbuluar shumën. Por, maksimumi që mund të fitojë klubi kosovar është rreth 300 mijë euro.
“Ne jemi shumë të kënaqur me ecurinë dhe rrjedhën e këtyre bisedimeve e posaçërisht të kënaqur me epilogun pozitiv”.
Rashica kur luante te Vushtrria
“Natyrisht se më bënë të lumtur fakti se nga katër palët e përfshira në këtë proces, tri palë vijmë nga Vushtrria, pra klubi, Miloti dhe unë. Kjo është shumë e mirë për futbollin vushtrrias dhe qytetin”, ka thënë Asllani për “Zërin”.
Shukri Asllani, njeriu i deleguar nga Vushtrria
Rashica karrierën si fëmijë e ka filluar te shkolla e futbollit ‘Kurda’, të cilët po ashtu kanë pretendime për të fituar ndonjë gjë.
