Kryeministri Edi Rama në konferencën “Europa një botë që po ndryshon”, e cila po zhvillohet në Itali, ka akuzuar shtetet anëtare të BE se nuk po i përfshijnë vendet e Ballkanit Perëndimor në planet e tyre për të ardhmen e Europës.
Ai tha se është e nevojshme që Ballkani Perëndimor dhe Turqia të përfshihen që në fillesë të diskutimeve.
“Politika ka shumë të bëjë me semantikën. Nuk tingëllon mirë kur disa vende të BE diskutojnë të ardhen e Europës dhe nuk marrin parasysh një pjesë të tërë të Europës që është Ballkani Perëndimor dhe duhet të them që diksutimet produktive të Europës do të nënkuptonin përfshirjen e Ballkanit Perëndimor dhe Turqisë për të zhvuilluar një diskutim të hapur që do të çojë në përfundime që BE do t’i marrë parasysh.
Është e nevojshme që të ketë përfshirje që në fillesë, pavarësisht nëse janë apo jo dakort me kornizat përfundimtare që do të arrihen”, tha Rama.
