Kryetari i bashkisë së Tiranës, Erion Veliaj ka falenderuar sot artistë shkodranë, që performuan një natë më parë në Amfiteatrin e Tiranës te Liqeni Artificial, duke dhuruar një nga spektaklet e magjishme për kryeqytetasit.
Kryebashkiaku Veliaj zgjedh t’i përshëndesë artistët shkodrançe: “Falemners!”
“Kush a shkodran, të tana i ban. Mbrëmje magjike tek Amfiteatri i Tiranës me dhjetra artistë ikona e të rinj që sollën “Karajfilat e Shkodrës” në Tiranë! Ju falemners për muzikën, mezi pres t’ju kemi sërish mes nesh”, shprehet Veliaj.
Amfiteatri i braktisur për vite të tëra u rikonstruktua nga bashkia e Tiranës, duke u shndërruar në një skenë moderne verore e kuruar deri në detaje, tashmë shkodranët i dhanë bekimin me zërat e tyre melodiozë.