Kryeministri Edi Rama është treguar i vendosur për të vazhduar rrugën e tij.
Gjatë konferencës për shtyp, Rama tha se jeta politike vazhdon, edhe pse deputetët e opozitës vendosën të dorëzojnë mandatet.
“Jeta parlamentare për ata që lanë mandatet mbaroi për këtë legjislaturë, por jo ajo politike.
Mazhoranca do të vazhdojë të punojë, duke iu shërbyer me përulësi njerëzve, cilado partie qofshin.
Dallimi është se ata që ikën do të përpiqen të përçajnë sa më shumë, kurse ne do të përpiqemi të bashkojmë sa më shumë”, tha Rama.
Rama tha se është i gatshëm për dialog, por mandati qeverisës nuk ndërpritet dhe se nuk ka zgjedhje të parakohshme paralamentare.