Komuna e Moncalierit do të marrë përsipër funeralin e 20-vjeçares shqiptare Anxhela Meçani që u vra në mënyrë barbare në Itali nëse familjarët e saj nuk bëhen të gjallë.
Një fakt të tillë e ka bërë me dije kreu i komunës Paolo Montagna.
“Nëse një vajzë e re vetëm 20 vjeçe vdes e vetme në një spital të Moncalierit, ne jemi të gatshëm për të marrë përsipër funeralin në qoftë autoritetet nuk kanë rënë akoma në gjurmë të të afërmve të vajzës dhe pa dashur të ndërhyjmë në asnjë mënyrë me hetimet në vazhdim ”
Anxhela Meçani kishte vetëm një muaj e gjysmë që ishte shpërngulur në Torino.
Ajo kishte lëvizur nga Ravenna, ku adresa e saj e fundit është në rrugën Cairoli, 20, në qendër të qytetit. 20 vjeçarja kishte marrë me qira një banesë në një ndërtesë trekatëshe me tulla.
“Vajza këtu, kurrë nuk e kam parë”, thotë dentisti që ka klinikën e tij në katin përdhesë të ndërtesës.
Edhe në Ravenna, Anxhela jetoi pa u vënë re dhe ekspozuar. Emri i saj nuk figuron në listat e policisë në Ravennë si një vajzë me një të kaluar të errët apo precedentë penalë.
Vrasja e Anxhelës vijon të mbetet e rrethuar me mister. Ajo ndërroi jetë të dielën në spitalin Santa Croce në Moncalieri të Torinos, ku vetëm një mnatë me parë ishte shtruar me fraktura të shumta në trup.
Sipas mediave ka qenë një deshmitar ai që ka njoftuar policinë për ngjarjen pasi ka parë që nga një makinë është hedhur në përson.
“Dikush hodhi një person nga makina e tij dhe u arratis”, ka thënë ai për policinë.
Mjekët thanë se nga fluturimi në ajër ajo kishte pësuar dëmtime në organet e brendshme, por të shumta ishin edhe shenjat e dhunës që i ishin shkaktuar më herët.
“La Repubblica” shkruan se, dyshohet se vajza e re që vdiq në një shtrat spitali në Moncalieri, bënte prostitutën. Pikërisht në këtë drejtim po hetohet edhe nga policia. Çfarë ndodhi mbrëmjen e së shtunës? Mos vallë hyri në makinën e gabuar? Apo dikush ka dashur që ajo të ketë këtë fat?
Mediat italiane shkruajnë me tej se nga mënyra se si është hedhur duket qartë që personat në fjalë kanë pasur qëllim ta vrisnin, pa dyshuar se dikush mund t’i kishte parë.
Hetuesit ndër të tjera po mundohen të rindërtojnë të gjithë ngjarjen, se në çfarë vendi mund të këtë hypur në makinë. Ata shpresojnë që duke identifikuar makinën të marrin edhe pamjet e para të kamerave të sigurisë, brenda së cilës ndodhej edhe agresori që mendohet se i mori jetën 20 vjeçares.
