Komentet në “Trip Advisor” (tashmë i njohur për të gjithë lexuesit tanë, e sidomos të rubrikës “Summer 2018”) për Shqipërinë natyrisht janë disa prej më të klikuarëve, si dhe më të lexuarat.
Aty gjen gjithëfarësoj komentesh, por ne në redaksinë e ALPENews.al përzgjedhim çdo ditë (tashmë) dy, duke i përkthyer dhe duke vënë në pah dy realitete të ndryshme.
Ndërkohë që kemi folur për çmimet, hotelet, shërbimin me ushqimin, si dhe të gjithë pikat turistike që parapëlqehen më tepër, ajo që është lënë në “hije” janë aktivitetet sportive ose jo, argëtuese ose turistike, apo edhe historike që janë të gjendshme në çdo cep të vendit tonë.
Një koment në “Trip Advisor” nga një turiste nga Australia është:
Duhet thënë: E keni vendin tuaj një prej mrekullive më të bukura të Ballkanit. Kam qenë në Kosovë, në Mal të Zi, më Maqedoni dhe në Serbi por ju jeni padyshim vendi më special që një familje si ne (me shumë fëmijë dhe që jemi të lidhur me njëri tjetrit) ka efekt shumë pozitiv. Ne sa herë vijmë në Shëngjin tek zona e quajtur “Rana e Hedhun” nuk kemi ditë të pushimeve që nuk ikim në restorante aty pranë, dhe më duhet ta pranoj që ushqimet janë shumë të shijshme. E çuditërisht vajza ime e vogël Sofia pranoi për herë të parë të konsumonte një pjatë të freskët me fruta deti, unë u lumturova pamasë jo vetëm nga momenti që mezi prisja që vajza ime të shijonte diçka prej vërteti (sepse ha shumë gjëra të rënda të fast-food-eve) por menjëherë i lashë një bakshish të majmë kamarierit, që u soll si një vëlla për të.
Por le të themi që gjithnjë aty ka hapësirë për reagime të kundërta, dhe një prej të gjithë këtyre reagimeve është edhe ky “opinionist” shqiptar:
Pse nuk e çove vajzën më mirë në Mikonos? I ke më lirë, dhe më të freskëta se në këtë dreq vend gjërat. Unë kam qenë dhe më pëlqen shumë atje. Por na diskriminojnë ne shqiptarëve, dhe mirë na e bëjnë. Jo për gjë por me këtë kokë që kemi e meritojmë.
Ky material është përgatitur nga redaksia e ALPENews.al, për “Summer 2018”.