Komentet në “Trip Advisor” (tashmë i njohur për të gjithë lexuesit tanë, e sidomos të rubrikës “Summer 2018”) për Shqipërinë natyrisht janë disa prej më të klikuarëve, si dhe më të lexuarat.
Aty gjen gjithëfarësoj komentesh, por ne në redaksinë e ALPENews.al përzgjedhim çdo ditë (tashmë) dy, duke i përkthyer dhe duke vënë në pah dy realitete të ndryshme.
Ndërkohë që kemi folur për çmimet, hotelet, shërbimin me ushqimin, si dhe të gjithë pikat turistike që parapëlqehen më tepër, ajo që është lënë në “hije” janë aktivitetet sportive ose jo, argëtuese ose turistike, apo edhe historike që janë të gjendshme në çdo cep të vendit tonë.
Në një koment në “Trip Advisor”, një turiste e huaj nga Britania e Madhe e cila kishte vizituar Dibrën dhe kishte shijuar ushqimin tradicional atje shkruan:
Në Dibër më mikëpritën si në shtëpinë time, madje për të mos thënë që më mirë se aty ku jetoj (hahaha). Aty shijova kos të freskët, qumësht natyral, dhe diçka që shumë prej turistëve e kërkonin: jufkat. Këto të fundit i shijova pa masë. Kuzhinierja jonë gatuante që prej njëzetë vitesh, dhe ia kishte marrë dorën pjatave tradicionale. Jo vetëm kaq, por kur vinte mëngjesi gjeja gjithçka që mund të ëndërroja të haja. Unë isha me partnerin tim, dhe qëndruam rreth katër ditë, por do vijmë prapë për ta vizituar.
Nuk ka “rezistuat” pak, dhe komenti i një 47 vjeçareje shqiptare i shkruan:
Ti mirë ke bërë që ke shkuar, se ke provuar disa gjëra që ne këtu në Shqipëri i gatuajmë si të themi “prej hallit”. Ato jufkat që ke provuar ti, kuzhinierja i merr me shumicë nga ndonjë fabrikë që as nuk është e regjistruar në Shqipëri, dhe as nuk njihet me logo apo me diçka tjetër. Por po ta dije ti se çfarë bëhet me ushqimin tradicional shqiptarë, që ka shumë gënjeshtarë që përziejnë lloj lloj gjërash vetëm të fitojnë, nuk vije të harxhoje asnjë qindarkë këtu.
Ky material është përgatitur nga redaksia e ALPENews.al, për “Summer 2018”.