Komentet në “Trip Advisor” (tashmë i njohur për të gjithë lexuesit tanë, e sidomos të rubrikës “Summer 2018”) për Shqipërinë natyrisht janë disa prej më të klikuarëve, si dhe më të lexuarat.
Aty gjen gjithëfarësoj komentesh, por ne në redaksinë e ALPENews.al përzgjedhim çdo ditë (tashmë) dy, duke i përkthyer dhe duke vënë në pah dy realitete të ndryshme.
Ndërkohë që kemi folur për çmimet, hotelet, shërbimin me ushqimin, si dhe të gjithë pikat turistike që parapëlqehen më tepër, ajo që është lënë në “hije” janë aktivitetet sportive ose jo, argëtuese ose turistike, apo edhe historike që janë të gjendshme në çdo cep të vendit tonë.
Një koment në “Trip Advisor” nga një turist suedez është:
Bujtinat në Theth janë shumë të rehatshme, ua rekomandoj të gjithë juve që keni dëshirë që të kaloni një verë të freskët, dhe të bukur me familjen tuaj.
Ushqimi ishte për të ‘lëpirë gishtat’, kështu tha edhe vajza ime vetëm një vjeçe që mësoi të fliste po ato ditë që ishim për pushime. Ne ishim atë kohë një çift i ri që donim një vend me freski, sepse vera në Suedi është pak lozonjare dhe nuk na pëlqen.
Më kanë thënë të vizitoj edhe jugun e Shqipërisë, por mendoj se radhës tjetër, padyshim që do e bëj.
Në po të njëjtin koment është një qytetar nga Shkodra që i kthen përgjigje dhe duket se e ka shfrytëzuar mirë për publicitet:
Ajo që ke parë në Theth është me të vërtetë mahnitëse, e bukur dhe natyrale si në asnjë vend tjetër. Do të sugjeroja të kalojë në Valbonë, kam qenë vetë dhe bujtinat nuk kanë çmime stratosferike siç kanë në Theth. Madje të sugjeroj edhe emrin (për arsye publiciteti nuk po shfaqim emrin e kompleksit).
Ky material është përgatitur nga redaksia e ALPENews.al, për “Summer 2018”.