Sigurisht që të vjen inat.
Ju bëni të njëjtën punë, qani hallet bashkë në kohën e lirë, jepni të njëjtin kontribut në ambientin e punës, por ai paguhet më shumë.
Sepse edhe në Shqipëri, si në të gjithë botën, ekziston difereca e rrogave mes burrave dhe grave.
Pedagogia Iris Luarasi, e ftuar në emisionin “Wake Up” pranoi se një fenomen i tillë është i pranishëm edhe në vendin tonë dhe është mëse normale të të vijë inat. Siç do t’i vinte burrave në një situatë të ngjashme.
“Të marrësh vesh që kolegu me të cilin ndan tavolinën gjithë ditën paguhet më shumë se ty…”, tregon ajo.
Sipas të dhënave të publikuara në INSTAT disa muaj më parë, gratë në Shqipëri paguhen 6.3% më pak sesa burrat, me përjashtim të disa profesioneve specifike që rezultojnë më të paguara, siç është sektori i “artit, argëtimit dhe zbavitjes”, ku femrat paguhen gati 30% më shumë sesa meshkujt.
