Ditën e sotme është kapur një shqiptar në Itali me kokainë. Mediat italiane kanë raportuar se një patrullë e Kompanisë së Guardia di Financa e Laurias, ka identifikuar një makinë të dyshuar “Renault Megane Scenic”, në një zonë pushimi përgjatë autostradës A2 të Mesdheut midis kryqëzimeve të Lagonegro Sud dhe Lauria Nord.
Në kontrollin e bërë, shoferi i cili ishte i vetëm në mjet, një shqiptar 42 vjeç në fillim u tregua i qetë dhe i ftohtë, duke u përpjekur t’i jepte punonjësve të policisë të dhëna qetësuese rreth rrethanave të udhëtimit të tij.
Por ai referoi të dhëna kontradiktore të njëpasnjëshme, duke dhënë versione të ndryshme të origjinës dhe destinacionit.
Pasi nuk janë bindur nga deklaratat e shqiptarit policët kanë kontrolluar imtësisht makinën ku kanë gjetur të fshehur 1 kg kokainë.
Pakoja që përmbante kokainën, e cila nuk ishte e dallueshme nga një pamje e parë në ndarjen së motorit, ishte me një mbështjellës plastike me vakum, letër celofani dhe jashtë, në një qese plastike.
Në paketim vërehej një substancë xhelatinoze, ndoshta pastë dhëmbësh.
Këto modalitete zakonisht adoptohen për të kufizuar mundësinë e zbulimit nga qentë e anti-drogës.
Sasia e kokainës së kapur ishte rreth një kilogram, ndërsa në analizën e parë, ka treguar një shkallë pastërtie prej 80%.
Hetuesit besojnë, se mund të nxirreshin 5,000 doza për shitjet me pakicë, me të ardhura mes 50,000 dhe 60,000 eurove.
Nga ana tjetër, çmimi i drogës me shumicë në treg është rreth 30-35 mijë euro. 42-vjeçari shqiptar u arrestua në flagrancë dhe është dërguar në burgun e Potenzas.
