Detaje të reja për kontejnerin me banane që u zbulua i paplumbosur ditën e djeshme në Portin e Durrësit, ku dyshohet se ka pasur dhe drogë. Gazetarja Klodjana Haxhiaj raportoi për “BalkanWeb” se kontejneri me banane ka mbërritur në port më 8 korrik.
Nuk ishte paraqitur njeri të tërhiqte kontejnerin i cili ka bëre tre ndalesa nga Kolumbia në Spanjë, Itali e Durrës.
Kur është paraqitur punonjësi i kompanisë për tërheqjen e kontejnerit me banane është vënë re që kontejneri ishte i hapur e mungonin 49 arka me banane.
Policia ka arrestuar punonjësit e sigurisë për 8 ditë qëndrimi nga dy forca sigurie në turn dhe janë 16 forca të arrestuar.
Policia dhe prokuroria e Durrësit dyshojnë se kontejneri është manipuluar ne port. Për këtë arsye janë ndaluar të gjithë ata policë të forcës portuale të sigurisë. Rreth 16 vetë. Që kanë qenë me shërbim gjatë turnit të ditës dhe natës.
Task Forca permanente e përbashkët, e përbërë nga Policia Kufitare e Portit të Durrësit, Policia Kriminale e DVP Durrës dhe nga Autoritetet Doganore të Portit, konstatoi një kontejner të paplumbosur të ngarkuar me banane. Deri tani sipas policisë janë arrestuar në flagrancë 20 shtetas.
