Veprimet hetimore për sasinë e kokainës kapur mëngjesin e sotem në portin e Durrësit po kryhen nga SPAK.
Prokuroria e Posaçme tregohet mjaft e rezervuar lidhur me nxjerrjen e detajeve për sasinë e drogës, pasi hetimet janë ende në vijim.
Ndërkohë sipas burimeve mësohet se i gjithë ekuipaizhi i anijes po merret në pyetje nga grupi hetimor, për të mësuar më shumë rreth personave që mund të jenë të përfshirë në trafikun e lëndëve narkotike.
Nga të dhënat paraprake malli është porositur nga Kolumbia për llogari të një kompanie kromi, por për shkak të sekretit hetimor dhe se marrja në pyetje vijon, nuk jepen detaje lidhur me këtë çështje.
Kokaina u kap në hambarin e anijes “Unistream” me flamur të Antigua Barbuda nga Ishujt Karaibe. Ajo ishte e ndarë në 53 pako, në dy çanta, ndërsa kërkimi për sasi të tjera droga vijon ende mes 6500 ton qymyr.
Ka qenë Task Forca e Durrësit, e cila ka zbuluar fillimisht autoritetet, e menjëherë janë lajmëruar strukturat ligjezbatuese. Me marrjen dijeni, SPAK dhe agjentët e BKH-së, kanë zbarkuar në qytetin e Durrësit ku kanë filluar veprimet.
FAX news mëson se me mbërritjen e SPAK, Task Forca e Durrësit dhe autoritetet vendore atje janë larguar duke mos marrë pjesë në veprimet hetimore, që janë ende duke u kryer.
Kapiteni i anijes është nga Rusia, ndërsa deri më tani nuk ka asnjë të ndaluar. Pritet që në orët në vijim autoritet te dalin me deklaratë zytare për sasinë e kokainës
