Në Napoli numri 17 normalisht është një numër tersi, është numri i…më mirë të mos e dini, por ka përjashtime që konfirmojnë rregullin.
Dhe një nga këta është Marek Hamsik, kapiteni napolitan që vesh fanellën me numrin 17 në fakt. Ironia e fatit.
Por çfarë ndodhi me këtë numër gjatë ndeshjes së mbrëmshme?
Epo, diçka e pabesueshme. Kapiteni, i cili së fundmi ka thyer rekordin e Maradona-s për golat e shënuar me fanellën e kaltër, shënoi golin e tij të 117-të në minutën e 17-të në ndeshjen e fundit të 2017.
Koincidenca të çuditshme, por siç thonë të mençurit “asgjë nuk ndodh rastësisht”.
Pasi u zhbllokua ndaj Torinos, Marek ka shpërthyer në ndeshjet e fundit, duke shënuar ndaj Sampdoria-s një gol vendimtar, dhe të njëjtën gjë bëri ndaj skuadrës së Zenga-s.
Edhe Sarri është dakord: “Kur zhbllokohet Hamsik, të gjithë të kenë kujdes.”
