Anëtarja e Komisionit të Sigurisë Kombëtare dhe deputetja e PS, Mimi Kodheli tha se është kundër ish presidentit të Republikës Bujar Nishani, i cili kërkoi deklasfikimin e mbledhjes së Këshillit të Sigurisë Kombëtare, e mbledhur në 3 nëntor 2016, ku u vendos në pah problemi i trafikimit të lëndëve narkotike si dhe siguria e vendit.
Duke folur për emisionin ‘Të Paekspozuarit’ në Neës24 Kodheli tha se nuk është për deklasfikimin e kësaj mbledhje pasi cënohet siguria e vendit.
“Unë mendoj se duhet të respektojmë ligjet e vendit dhe duhet që këto dokumente të mos deklasifikohen. Por nëse ato nuk cenojnë sigurinë e vendit disa dokumente të caktuara nëse janë në interes të qytetareve mund edhe të deklasifikohen. Theksoj se këtu nuk bëhet fjalë për mungesë transparence, por për zbatim të ligjit. Gjatë mbledhjes së Këshillit të Sigurisë Kombëtare në tryezë janë ballafaquar dokumente ku bëhet fjalë për sigurinë e vendit”- tha Mimi Kodheli.
