Bota që e shihni përreth mund të mos jetë asgjë më shumë se vetëm një iluzion.
Kjo thuhet sipas shkencëtarit Donald Hoffman i cili pretendon se ne po mashtrohemi për të besuar realitetin tonë.
Ai beson se ajo çfarë ne jemi duke parë përreth është thjeshtë një fasadë e asaj që fshihet prapa, një matricë më komplekse, transmeton Gazeta Express.
Hoffman, një shkencëtar në Universitetin e Kalifornisë, thotë se kur i hapim sytë, mund të mendojmë se po e shohim një domate një metër më larg. Por më pas, kur i mbyllim sytë, eksperienca jonë ndryshon në një fushë gri.
Në realitet, a është domatja e kuqe një metër më larg? Si mund të jemi të sigurt se nuk është zhdukur ajo?
Çfarë shihni nuk është një gotë me verë, por një simbol në një realitet më të gjerë i cili është i projektuar për të zvogëluar një veprim ose emocion, thotë shkencëtari.
Ai thotë se universi nuk ekziston nëse nuk e shikojmë atë. Sipas rregullave të mekanikës kuantike, kufiri midis “botës atje jashtë” dhe ndërgjegjes sonë subjektive është i paqartë.