Kryeministri Rama ka thënë se kjo do të jetë java e fundit e kufizimeve të orarit për Tiranën dhe zonat e tjera të kuqe, por fundjava do të mbetet pa makina edhe për dy të shtuna të tjera.
Gjithashtu Rama është shprehur se deri në fund të muajit do të jetë gati strategjia e re për transportin publik, ndërsa linjat e transportit do të fillojnë të hapen një e nga një.
“Kjo do të jetë java e fundit e kufizimeve dhe orareve në Tiranë dhe zonat e tjera të kuqe, por fundjava pa makina do të mbetet edhe për dy të shtuna e dy të diela. Deri në fund të muajit ne do të kemi strategjinë e re për transportin publik, dhe do t’i hapim një e nga një linjat e transportit duke patur edhe si garant shtetin për kontrollimin e masave”, tha Rama.
