Stephen Armstrong pa një objekt të çuditshëm të lëvizte në monitorin që tregonte dhomën e gjumit të vajzës së tij 13-muajshe, Ella. Ngjarja ka ndodhur në Northumberland, Britani të Madhe, ndërsa 31-vjeçari shprehet se mund të ishte një fantazmë.
Videoja është bërë menjëherë virale, ndërsa babi i vajzës shprehet se një incident i ngjashëm i ka ndodhur edhe më parë. Siç shkruan Daily Mail, burri kishte gjetur më parë një kukull në shtratin e vajzës edhe pse ai nuk e kishte vendosur atë.
Familjarët fillimisht menduan se ajo që po shikonin ishte ndonjë pluhur, por kur u futën në dhomë, “fantazma” ishte zhdukur.
Stephen tani ka vendosur një monitor më të madh në dhomë, ndërsa pret që të zbulojë objektin e çuditshëm në dhomën e vajzës së tij, Ella.