Një 34-vjeçar ka rënë në prangat e policisë, pasi në oborrin e banesës së tij kishte mbjellë kanabis.
Burime zyrtare nga policia e Fierit bënë me dije se bëhet fjalë për shtetasin Indrit Koliçi banues në Gjokalli.
Ky i fundit akuzohet për veprën penale “Kultivimi i bimëve narkotike”.
“Në vijim të kontrolleve të njëpasnjëshme të territorit me qëllim parandalimin dhe goditjen e rasteve të tentativës për kultivim të bimëve narkotike si edhe bazuar në informacionet e marra në rrugë policore, specialistët për Hetimin e Krimeve në Komisariatin e Policisë Fier bënë arrestimin në flagrancë të shtetasit:
I. K., 34 vjeç, banues në Gjokalli, Fier, pasi në oborrin e banesës kishte kultivuar fidanë të dyshuar cannabis sativa.”, thuhet në njoftimin e policisë.
