Autoritetet policore në Paraguai kanë sekuestruar rreth 1 ton kokainë. Për këtë sasi të madhe droge, në pranga është vendosur një djali i një ish-deputeti të njohur.
Mësohet se anëtarët e shërbimit anti-drogë kryen gjashtë operacione në tre qytete pranë kryeqytetit, Asuncion, për të kapur kokainën.
Trafikanti i dyshuar është Fernando Enrique Valbouena, i biri i politikanit liberal Elvis Valbouena, një ish-deputet i njohur në Paraguai, i cili është shprehur pro dekriminalizimit të marijuanës.
“Valbouena drejtoi dhe koordinoi blerjen dhe shitjen e kokainës, e cila vinte nga qyteti Eusebio Agiala, 90 km nga Asuncion, dhe transportohej përmes lumenjve Paraguai-Paranna, ndërsa destinacion përfundimtar kishte Evropën”, njoftuan autoritetet zyrtare.
Në një objekt 200 metra larg rezidencës së Valbouena, u gjetën 947 kg kokainë të gatshme për t’u transportuar nga deti në portet e huaja dhe u konfiskuan, sipas zëdhënësit, shkruajnë mediet lokale.