Një qendër tregtare në Kinë, që vjet kishte vendosur në hapësirën qëndrore një statujë gjeli që i ishte përshtatur në pamje Donald Trump, sivjet vendosi të nderojë Vitin e Qenit, që fillon në Shkurt, duke paraqitur mes një statuje presidentin amerikan në trajtë qeni.
Statuja gjigande e qenit Trump, që gjendet në qendrën tregtare në Taijuan, është një bulldog i bardhë, i qëndruar në këmbët e pasme të tij, por fytyra ka karakteristikat e presidentit amerikan.
Në kokë mban një tufë flokësh bjonde, kurse një prej këmbëve të përparme me gishtin tregues duke treguar nga qielli, një gjest karakteristik ky i presidentit Trump. Bazuar tek kalendari kibez lunatik, Viti i Qenit, që pason atë të Gjelit, do të startojë në Shkurt.
Trump ka lindur në vitin 1946 dhe për rrjedhojë i përket, tek horoskopi kinez, shenjës së qenit. Shenjës së Qenit i përkasnin paraardhësit e tij George W. Bush dhe Bill Klinton. Bazuar tek astrologjia kineze, personat e lindur në Vitin e Qenit janë të sinqertë dhe tejet të besës, ndërkohë që kanë të veçanërisht të spikatur ndjenjën për drejtësi. Por, ata janë njëkohësisht edhe kokëshkretë dhe gjaknxehtë. Statuja në fjalë ka rritur ndjeshëm prurjen e vizitorëve dhe për rrjedhojë edhe xhiron e dyqaneve të qendrës tregtare.