Fotografitë janë një nga qejfet më të mëdha të festave. Iku koha e atyre shkrepjeve që bënim te tavolina ku më shumë nxirrnim pjatat sesa fytyrat. Pamë nga jashtë dhe e kuptuam që qejfi më i madh qenka afër pemës, oxhakut, veshur me të kuqe dhe gjithë familja bashkë. Ndër të gjitha kartolinat që pamë, kishte edhe nga ato ku nuk kishin mundur të bëheshin bashkë gjithë familjarët. Ca mama preferuan të dilnin vetëm me fëmijët e tyre. Arsyet janë të ndryshme.
Hueyda është ndarë nga babai i djalit dhe kanë vendosur të mos jenë bashkë, qoftë edhe për një foto. Megjithëse edhe kur ishin bashkë, Hueyda nuk para publikonte foto me të. E veshi bukur burrin e vogël të shtëpisë, u kombinuam të dy me të kuqe dhe e bënë foton perfekte.
Po nëse Hueyda është ndarë, Tuna ç`pati? As ajo nuk e bëri Patrisin pjesë të kartolinës. E bëri një foto vetëm me djalin veshur si lepurush. Mbase ka bërë edhe me të shoqin, por do ta ketë mbajtur për vete.
Hyeyda dhe Tuna bënë nga një, dy bëri Adrola, e te asnjëra nuk e kishte burrin. Ajo ishte vetëm me djalin e saj Troin. Ndoshta distanca fizike e ka bërë të pamundur shkrepjen e një fotoje familjare. Epo me montazh s`do ta fusnin ata se s`ka lezet.
Kurse Fjodora kishte pritur këto festa që të na prezantonte plotësisht me të birin, Alteon. Ata u veshën me bluzat e festave dhe na uruan. Poshtë pemës, mes dhuratave, pranë oxhakut.
Ishin s`ishin rreth e rrotull burrat e mëdhenj, ato e bënë kartolinën dhe urimet me burrat e vegjël të shtëpisë.
