I pari i etiketuar si tradhtar, ishte Lefter Koka që në të njëjtën kohë ishte nga të parët deputet që I tha jo djegies së mandatit. Megjithatë, kundërpërgjigja e tij duket se nuk i “ra” dhe aq mirë LSI.
Në fjalën e tij, ai deklaronte se: “Ky nuk është një vendim thjeshte i Lëvizjes Socialiste për Integrim por i Saliut, i cili në shekullin e 21 bën thirrje për plumba ballit. Dhe nese erdhi dita që ai të tërheqë zvarrë LSI , a thua se LSI është Luli, nuk mund të më tërheqë zvarrë mua drejt aventurave qe une i gjykoj të turpshme për shoqërinë shqiptare dhe demokracinë.”
Pas tij, Ylli Shehu një kandidat për deputet që i rikthehet Kuvendit u shpreh se do të pranonte mandatin me shumë dëshirë. Kjo edhe sipas tij, pasi LSI nuk e pyeti nëse ai do ishte dakord me vendimin e tyre.
Çfarë deklaroi ai: “Absolutisht nuk ka pasur asnjë lloj kontakti. Pasi është marrë vendimi nga opozita nga Basha që i dha kohë dhe LSI-së për një shqyrtim nuk kam pasur asnjë kontakt për të marrë mendimin tim. Ndoshta edhe për shkak se nuk jam pjesë e kryesisë. Por mendoj se duhet të ishte marrë një mendim nga unë sepse gjithmonë kam qenë kundër.”
Sot, Enver Roshi, një tjetër kandidat që pranoi mandatin dhe u betua në të njëjtën ditë me Ylli Shehun shprehu me bindje të plotë se LSI e ka humbugr misionin për të cilën u krijua.
Pjesë nga intervista e tij: Slogani i LSI-së ka qenë Integrimi i Shqipërisë në Europë, momenti që jemi është thirrje e Europës për ta futur Shqipërinë në BE dhe zhvillimi i politikës shqiptare duhet të bëhet në Parlament, pasi aty është auditori më i mirë për të shfaqur alternativat e tua partiake. Në moment kur kjo kauzë e shqiptarëve për të shkuar në Europë lihet në mes, këtu ka një konflikt idesh, pikëpamjesh dhe politikash që nuk i shërbejnë kombit tonë dhe kjo më bëri shtysë që të mbaj këtë qëndrim. dhe ky është një mesazh për të gjithë politikanët shqiptarë që duhet ta shohim Shqipërinë në Europë.
Veç tyre, edhe deputetet femra që do të hyjnë në Kuvend si Ediola Braha apo Edlira Hyseni u shprehën se ky ishte vendim i tyre personal dhe nuk kishte të bënte me LSI-në.
Përgatiti: AlpeNews.al
