Ditë me reshje do të jetë e sotmja në shumë zona të vendit, por një lajm i mirë nga Meteoalb, për gjithë ata që i tremben përmbytjeve.
“E shtuna NUK RREZIKON përmbytje…….të paktën si pasojë e sasisë së shirave pasi do të ketë shira me intensitet mesatar në zonat Veriore dhe Qëndrore dhe ekstremin Jugor. Sasia e reshjeve të së shtunës e vlerësuar në mm/24 orë, parashikohet të arrijë deri 70 mm/24h në Veri; 50 mm/24h në Qendër dhe 30 – 40 mm/24h në zonat e ekstremit jugor”- njofton Meteoalb, teksa poston edhe hartat e reshjeve në vend.
Hartat paraqesin reshjet e së shtunës
Moti sot
E SHTUNE: Kryesisht e vranët me shira në gjithë vendin. Pjesa e parë e ditës do të ketë shira me intensitet mesatar në Veri – Qendër ndërsa gjatë pasdites pakësohen shirat në Veri – Qendër por shtohen në zonat Jugore.
Mbrëmja dhe gjatë natës do të ketë reshje të pakta shiu e dëborë në zonat malore. Temperaturat rriten lehtë në mëngjes por mbeten thuajse konstante gjatë mesditës duke ruajtur maksimumim 15 – 16°C.
E DIEL: Pjesa e parë e ditës mbetet me vranësira dhe reshje të pakta shiu e dëbore në Veri – Qendër.
Jugu mbetet kryesisht pa reshje deri pas mesditës kur reshje të pakta lokalizohen në zonat Jugore ndërsa pjesa tjetër e vendit kalon gradualisht në kushtet e motit të kthjellët.
Gjatë natës pritet mot kryesisht i kthjellët në të gjithë Shqipërinë. Temperaturat rënie të ndjeshme në mëngjes e mesditë duke luhatur ekstremumet termike të ditës nga -2 në 13°C.
E HENE dhe në vijim parashikohet mot i kthjellët por i ftohtë !!
